毛姐哽親

2014年08月23日 (星期六) 

就係比呢d 牛皮骨嚇到我手震腳軟 >_< 話說下午帶了 muji 回家同毛姐玩下增進下感情 ^^

晚上佢地食骨骨出事了, 毛姐同muji 輪流食一枝骨, 毛咬一陣, 妹咬一陣相安無事, 點知咬到尾段,毛姐自己咬咗好耐都唔放出來比亞妹, 亞妹只在旁邊等..等..等... 過了一陣發覺毛姐好似平時一緊張就係咁咳,係咁咳, 見佢咳已經阻擋亞妹行近, 亞妹都係想行去問候毛姐咩事. 見沒有亞妹剌激都係咁咳,我就心知不妙了, 當扒地下想休息即要企返起身又咳, 佢好似想咳d 嘢出來但又咳唔出 >_< 毛姐樣子已變得不安了!

我真係好驚好驚,已經打算搞唔掂要飛去睇24急症  >_< 後來咳到一長條白色泡同口水, 因為牛皮骨的關係很黏 >_< 加上有點企唔穩, 點知又仲係咁咳, 今次真係要出手幫佢了, 扣喉了唔到嘢 >_< 即時倒吊 chock 佢兩下, 好彩吐到條牛皮骨出來咋 >_< 條牛皮骨已經咬到軟軟濕濕黏黏有3cm長 =.=" 

當吐到出來後, 毛姐自己都好驚, 個樣等同於平時打雷閃電咁條脷呻到超長, 仲唔肯飲水 =.=" 由發現開始咳到吐塊骨出來成15-20分鐘, 而毛姐之後長舌婦咗半小時 =.=" 呢45分鐘我都死咗唔少細胞, 成個人有如虛脫了 >0< 好彩毛姐最後無事, 死了的細胞都有價值hehehee 

毛姐咳出的白泡黏到腳仔同咀邊毛一"住住" >_<

  

Muji 都好擔心毛姐的, 你也是個懂性的乖孩子啊~ 

毛毛 : 辛苦完一輪, 我要休息一下啦 ~  

Muji: 我都陪你瞓啦 ^^ 

事件發生: 估計係毛姐心急唔想比muji 咬咗舊骨所以生吞了尾段, 搞到唔上唔落卡住了 =.=" 經過今次之後, 食骨都必要有家長陪同才可以進食了 =.=" 哽親急救的方法之前有睇過書, 當危急關頭變得唔肯定, 結果要打比春星double confirm =.=" 好彩救到毛姐, 如果有咩三長褲短實內疚死 >_< 經過今次後要更加小心了 =.=" 怪獸家長要出現了 =.=" 

★ By 珍妮 ★