Dr. 毛 2011 第五次出診 @ 盈水閣

2011年7月9日 (星期六)

Dr. 毛 2011 第四次出診 @ 天恩護老院

2011年6月5日(星期日)

我又出診啦, 依家媽咪幫我選d 近ge 地方返工, 因為佢怕遠得, 會就唔到出門口時間喎 (藉口)

Dr. 毛 2011 第三次出診 @ 盈水閣

2011年5月14日 (星期六)

媽咪呀, 我地今日有咩做呀, 天文台又話有雨, 不過出面好好天喎! 你有無幫我安排節目呀!

Dr. 毛 2011 第二次出診 @ 童樂居

2011年2月27日 (星期日)

一係唔返, 一返就連返2個星期, 我呢個經理人真係得啦, 想做死我咩!!!!

不過我都好開心又以去探下d 小朋友

Dr. 毛 2011 第一次出診 @ 鳳溪老人中心

2011年2月19日(星期六)

好耐都無出動去探訪了,都全因我果個扮晒忙的媽咪囉, 再係咁我要找個另一個經理人了 

今日又落毛毛雨好涷呀, 我地一早去上水的鳳溪老人院做探訪, 算我媽媽啦咁早起身同我出去, 今次見到的老人家好精靈的, 仲好醒目ka  點解咁講呢? 因為探訪時有個婆婆見到我穿件好普通的白藍間tee 就講啦: 你件衫都唔靚ge ! 鬼咩, 我亞媽求其執件就走人hehe , 個婆婆再講喇: 穿件紅色嘛, 呢件唔靚呀! 我媽當然o 咀啦 ,抵屎啦! 唔將我扮靚d 比d婆婆笑啦 睇你下次仲敢唔敢就咁帶我出街 

今次的探訪好開心呀, 有幾個小朋友抱住我地去介紹比公公婆婆認識, 同埋d 公公婆婆見到我地好開心, 好互動的!

★By 毛毛★

Dr. 毛 2010 第六次出診 @ 童樂居

2010年8月22日 (星期日)

好耐無出動啦 >_< 都係怪我媽咪囉, 5& 6 月去旅行唔得閒同我報名, 之後7月又遲報搞到full 咗無我份,都唔知佢點做嘢ka

算佢知機今個月一收到通知就報名, 唔係我就唔彩佢

今日我地又嚟到呢個兒童中心啦, 因為暑假的關係有d 小朋友回家渡假, 所以今日無上次咁多小朋友,而且d 小朋友好乖今次我無被嚇驚啦

 

見到d 小朋友天真開心的一面,要我山長水遠出來探你地都覺得好值得啊

而且有一兩個小朋友主動過來抱我同摸我,見到佢好開心的樣子, 我都開心埋一份

毛媽心聲: 點解咁熱又辛苦都要帶毛毛去童樂居呢? 一來毛毛好耐無出診了,二來我見到d 小朋友由好怕接觸到慢慢去摸佢的過程好感動, 院內的小朋友好少接觸到外面的事物, 佢知道我地到咗, 佢地開心到好快食完佢地的茶點, 平時"世願咁世"的

 小朋友的一笑/一個眼神已溶化我地的心 

★By珍妮★

Dr. 毛 2010 第五次出診 @ 朗屏青年中心

2010年4月17日 (星期六)

今日我地去好近做活動呀, 行去都係10分鐘就到^^

我地去了朗屏的青年中心做愛寵講座, 好多都係中二/三的青少年朋友仔, 同佢地玩下傾下計. 去到才知道原來下個月有一個探訪老人院係連續的活動, 可惜佢地講得太遲了, 下個月我媽咪唔得閒帶我去做探訪了.

★By Dr. 毛毛★

Dr. 毛 2010 第四次出診 @ 天水圍

2010年4月11日 (星期日)

今日又出動去探d 公公婆婆啦, 上次來過唔知d 公公婆婆認唔認得我呢hehe

咁啱撞到 Dr. B 都一齊做探訪, 做完探訪後我地一齊返元朗去劇院散下步, 去到劇院又撞到穎穎希希喎, 真係好巧合啊^^

★By Dr.毛毛★

Dr. 毛 2010 第三次出診 @ 天水圍

2010年3月6日 (星期六)

今日又出發去做dr pet, 近近地去天水圍的小學先做個愛寵講座, 係操場上同小朋友一齊玩, 玩完一齊搭車去屯門老人院探d 公公婆婆^^

第一次一次過去做2個活動, 小朋友好得意,好可愛^^ 今次去探的公公婆婆好精神的,仲主動抱我同摸我添^^

★By Dr. 毛毛★

Dr. 毛 2010 第二次出診 @ 童樂居

2010年2月27日 (星期六)

一個月一次的探訪又出動啦, 因為mami 比較忙,所以一個月會出一次, 希望遲d有機會就2次啦hehe

Dr. Pet 畢業禮

2010 年2 月8日 (星期日)

經過半年的dr. pet 實習, 今日終於行畢業禮啦

Dr. 毛 2010 第一次出診 @ 葵芳護老院

2010 年 1月10日 (星期日)

休息咗成個幾月沒有出診啦, 唔係我懶呀, 都唔知我個經理人點做嘢囉, 唔幫我接多d job

毛ma: 唉!! 唔係我唔幫你接呀,係報咗名不過full 咗咋,我都想同你去做義工ka

今日好開心去了葵芳一間護老院探望d公公婆婆, 我地一行7個入去帶歡樂比大家, 見到佢地眉開眼笑,即係今次探診係成功的

       

期待下次再出診去帶歡樂比大家

★ Dr. 毛 ★

Dr. 毛 第六次出診 @ 麗瑤扶康會

2009年11月7日 (星期六)

毛ma: 係呀,你陪我返工先啦^^""

毛媽心聲: 辛苦毛毛先陪我返工寄辦, 點知搞到好鬼趕,仲要飛的返dr pet 先剛剛好. 返完dr pet 都知毛毛好攰,可惜頭先走得太急又要返公司清埋少少嘢, 搞到初時對四維好有新鮮感的毛毛, 對所有嘢都提不起勁=.=" 為有走時慢慢行去奧海城個邊睇下找唔找到個空地比佢跑下, 結果我太攰行到奧海城後不再找了=.="

★By Dr. 毛★

Dr. 毛 第五次出診 @ 荃灣仁濟老人中心

2009年9月26日 (星期六)

又出診lu , 今日媽咪同小花ee& 洛ma 食完嘢之後就行去仁濟探老人lu , 我係第一個到呀達呀

Dr. 毛 第四次出診 @ 天水圍老人中心

2009年9月13日 (星期日)

Dr pet 又出動啦,今次都係入天水圍, 不過係第一次探d 公公婆婆, 雖然d 公公婆婆都年齡大,唔會同我玩到咩遊戲, 但比佢地摸下抱下佢地已經好開心了

今日同yoyo 一齊出診

毛媽心聲: 好開心係今次活動上, 有一個公公佢初時都唔太願意去理毛毛, 之後我抱到佢面前, 叫佢摸下毛毛, 佢初時都唔太想, 之後就摸了一行, 之後再摸多幾下, 係呢個過程中,公公的咀角向上彎了, 眼神也變了, 好像摸緊小孫女的頭一樣的慈祥

★By 毛毛★

Dr. 毛 第三次出診 @ 天水圍青年中心

2009年9月6日 (星期日)

隔咗成三個星期終於又出診啦

 下午媽咪帶埋我去天水圍青年中心同小朋友玩, 好近我地呀