車縫索袋

2014年6月18日 (星期三)

早排見到優惠 $99 車兩個索袋 hehehe, 即報名啦 ^0^ 

一對一上堂, 用了個幾鐘完成, 見到完成品太開心了 hehehe 

轉行

2014年6月19日 (星期四)

由一個製衣打雜轉行去做醫院打雜, 呢個轉變都考慮同爭扎了一段時間 >0< 

人到件中年了, 製衣做了好幾年要轉行由頭學起, 對中年人仕來說真不容易 =.=" 

轉工時旁人會說: 唔係多人工過依家, 沒有進升機會轉嚟做咩? 做生不如做熟吧!

轉行時旁人會說 : 人工好pay 嗎? 真係做得嚟架啦? 都好ge 試下囉! 

經過好幾年製衣的生涯真係好厭了, 日日都係追客批呢樣, 追廠幾時寄個樣, 所有嘢都翻來覆去, filing 差一點, 記性少一點都死 =.=" 一件衫由development 到走貨頭尾九個月, 唔好以為走完貨就close file =.=" 下一年又翻炒類似款, 客人又叫你找回上年or 再上年的價錢出來比併 hahahhaahhaa 之後問十九幾個問題點解做唔返以前個價, 點樣才可以平d , 做十九幾個option出來比佢選, that why 我講 filling 差一點都死 =.=" 公司的大姐就叫會下面的同事問點解找出上年上上年的record比佢計價, 找唔出? 又問點解..... 再加埋黑面!! 

製衣呢行日日工作都很忙, 日日都好似打仗咁, 成日要 ot, 放工得返個驅殼咋, peak season 仲成日都 ot 到2200 / 2300.... 非人生活呀 >_< 我都有家人, 有朋友架 , 我都想過 quality of life >_< 我賣身比你咁滯, 最後你一句 "多謝你咁多年為公司的貢獻"  到時得到咩呀? 捱壞了的身體, 精神緊張囉 >_< 成日問點解囉  XDXDDDD 

加多近幾年人民幣升, 美國經濟差了, 製衣行業更加難做 >_< 人手不夠, 工作繁重, 經過深層考慮後才決定轉行! 好啦, 轉行? 又可以轉d 咩呢 =.=" 轉行都想做得耐些唔好做2-3年又比人淘汰啊 >_< 

2013年 8月決心辭去製衣一職, 去讀一個短期的醫療支援人員課程, 係唔係真係接受到針, 血, 傷口,dirty work, 屍體等真係一半一半架咋 =.=" 既然要轉就括出去吧!! 給自己一年時間去找, 如果真係做下到轉下到, 只有回頭做返老本行囉 >_< 

十一月讀完書去試下見醫院工啦 , 不斷寄信, 面試, 都沒音訊, 估唔到2014年3月尾收到電話問幾時返到工 yeah~ 當時知道唔係返 ward 已經係幸運了^^ 

無牙毛咬骨

2014年06月08日 (星期日)

等我 update 下我沒有了門牙的生活^^ 

mock 咗9隻牙, 包括上下門牙, 個口真係無晒d臭味啊, 我可以成日去鍚人了 wakkakaaa

無咗門牙都無阻我飲食架hehehe 

食糉節

2014年06月02日 (星期一) 

婆婆今年無包糉比我, 只係包大人食的糭啊 >_< 好彩朋友仔有我心, 送我地幾隻糭嘆下應下節 ^^

小珍上廣州

2014年5月31日 (星期六)

小明上廣州 探親友樂同遊 XDXDDD 由於排骨哥將回歸香港工作, 毛婆見有幾日假上去幫手搬嘢回來, 順便探下六伯父一家 ^^ 

鳳仙毛

2014年5月29日 (星期四) 

毛婆幫我扎咗個至 hit 的 鳳仙辮XDXDXD 咪就係呢排 tbb 無咩睇得 M Club 女人俱樂部叫睇得下囉 ~.~ 

黃昏才散步

2014年5月25日 (星期日) 

上星期就係咁落雨, 呢個星期就好天到咁,想熱屎人咩 ~.~

原色圓式 tote bag

2014年5月20日 (星期二) 

多謝朋友的厚愛, 對小妹手作仔的一番賞識 (^0^) 半年前第一眼見到我揹住呢款袋, 即時愛上了 並訂製一個同款 ^^ 

熱爆早餐團

2014年05月18日 (星期日) 

元朗友又相約去飯堂聚腳啦, 今日真係超熱又焗又無風 ~.~　行出門口已經流晒大汗, 毛小孩個個呻晒脷添 ~ 

毛毛剥牙慘慘豬

2014年05月17日 (星期六) 

提早幾個月送份大禮比毛姐慶祝8歲生日 >_< 

終於都 dick 起心肝帶毛姐去洗牙同 mock 牙了 =.="  一直都好怕放底佢返麻醉醒唔返 , 牙肉有鬆位hold 唔住d 牙仔, 由原先2隻鬆到依家影響埋其他一連四隻都鬆晒 =.=" 搞到郁來郁去, 而且仲有口臭添 =.=" 遲與早都要剥, 為了你好, 早點剥啦 !!!  再拖多一年, 年紀又大一歲又危險些 =.="