毛毛剥牙慘慘豬

2014年05月17日 (星期六) 

提早幾個月送份大禮比毛姐慶祝8歲生日 >_< 

終於都 dick 起心肝帶毛姐去洗牙同 mock 牙了 =.="  一直都好怕放底佢返麻醉醒唔返 , 牙肉有鬆位hold 唔住d 牙仔, 由原先2隻鬆到依家影響埋其他一連四隻都鬆晒 =.=" 搞到郁來郁去, 而且仲有口臭添 =.=" 遲與早都要剥, 為了你好, 早點剥啦 !!!  再拖多一年, 年紀又大一歲又危險些 =.=" 

順便睇埋上次個 blood test report ^^ 雖然上次護士在電話講了所有嘢都正常, 點都要有份report 揸下手才安心 heheheeee

放底毛姐後, 擔心個 mode 即時啟動 =.=" 我已預有呢一著, 所以plan 好晒嘢比自己搞 hehehe 先去後面梭椏道食返個全日早餐先 ^^

 環境幾好唔錯, 而食物就一般般啦 ~ 

之後去了旺角, 太子, 深水埗取嘢買嘢, 再去埋荃灣找茶包取不蚤鈴, 麻煩晒茶包係台灣幫忙帶回來啊 ^0^  橫樹有時間先回家放底戰利品 ^^

10:30交底毛姐後, 12:30收到護士打電話通知毛姐手術已完成, 醒返了 ^^ 剥了9隻牙仲要縫埋針添, 收到消息心都定了下來 ^^ 

準時 16:00去接女 ^^ 一接上手輕咗咁多 ge @@  在診所毛姐唔彩我,唔肯鍚我 =.=" 

火速回家比返個安心環境毛姐, 佢一見排骨哥就扭抱 >_< 但仲係唔彩我 >_< 

無晒上下所有門牙了 =.=" 日後就變 "風爐" 架啦  >0<

回到家毛婆煮的 homemade 都唔食,好攰就瞓了 ~. ~  隻手仔吊鹽水瘀咗啊  >_< 

毛姐, 媽咪都係為你好架咋, 你嬲埋今日唔食埋今日好啦, 明天又一條好女子啦 !!! 放底你個刻已經好唔捨得, 但又陪唔到你入去一齊做手術 , 你一定好驚了 >_< 連毛婆整ge 嘢你都唔想食, 都一定好痛了 >_< 痛在你身痛埋我心, 仲痛埋入去我荷包添呀  >_< anyway 只要你健康快樂就夠了 ^0^ 

★By 珍妮 ★