相愛七年

2013年10月1日 (星期二)

七年前的今天，與你第一次見面已即時抱你回家，咁快就相處了七年了. 當一個新手媽媽遇上一個毛小孩BB，大家樣樣都從頭學起，我學習去照顧你，你學習去認識這個世界 ^O^ 這就開始了我們平淡中帶點色彩的生活了 ~  

一隻醜小鴨一年一年慢慢蛻, 才變成一位美麗的小公主 (呵...呵...) 萬千寵愛在一身,都係多得寵壞佢 ge人啦 (我同毛婆) wakakaaa 亦因為你的到來, 令到我地一家人的話題多了, 歡樂多了~ 大家都把注意存放在你身上, 如同一個小朋友咁湊你 ^^ 亦令我個個星期都好唔得閒了hehehe 因為要帶你去探索這個世界~ 進行一連串親子活動~ 其實養一個毛小孩都花很多心血去哉培佢成長喔~ 

當你進入了我的生命後, 令我改變了不少, 大家都經過摸索, 迷失, 反叛的時期,  當你長大的時候, 我也一起長大了, 與你一起去識新朋友, 學習與新朋友溝通, 學習整嘢食給你, 學習整小飾物給你, 了解什麼東西對你有益, 盡量以我能力範圍給你最好的, 但我知道你最需要的是我們一家給你的愛與關注~ 

就算你做錯了事, 搗蛋後, 看見你好似知錯的眼神,初時都會比你扼到, 之後已經洞悉你都係一名戲子 wakakaka  亦慢慢你當我同婆婆的話作耳邊風, 你的性格也出來了, 越來越似我咁硬頸XDXDD 但我犯賤呀, 我就是愛你, 愛死你 =^-^=

最喜歡傻傻看著你臉, 最愛看著你可愛笑容, 很喜歡你側側頭, 很愛你瞇瞇眼笑, 十分喜歡同你傾計, 十分愛同你KISS KISS ^-^ 以前有朋友提出, "如果毛小孩識講嘢就好啦", sorry 我真係寧願看你一舉手一頭足的表情去猜你想表達什麼, 你知啦, 我真係好怕嘈架  =.=" 經過我同婆婆解讀你的說話是另一種情趣吖, 亦增進了我們一家人的溝通, 都幾開心呀 XDXDD 

日子久了, 你這公主病變本加厲了 =.=" 由以前唔多吠, 唔出聲, 點知越老越多嘢講 =.="  亦開始見識得多了, 蝦我了 >_< 以前行去邊都無問題, 依家唔肯行馬路邊, 有咩風吹草動就走人 >_< 唔再肯坐定定比我影相 >_<  出街變得好痴身, 但回家掂下都唔得 >_< 

這幾年間很感恩你沒有什麼病痛,沒有帶給我很大的心理, 精神, 金錢負擔, 你真是一個很懂事很堅強的好孩子, 打針, 肚痾, 做手術痛也不會叫痛, 這令我更心疼 >_< 由其每想起你手術後倦倦的樣子, 及met 腳仔膠布那一幕, 真的不禁流下淚來, 很多謝你的堅強 ~  

由一開始養你到現在都不敢想, 當你要離開的情況, 有時會在很多事情上都緊張起來, 怕你熱親, 怕你中暑 , 怕你焗親, 怕你玩得太倦, 怕你受驚走出馬路等等, 加上這一年裡有幾位與你兒時相識的毛小孩己先去了彩虹橋, 很令我十分感慨, 活到咁上下年紀真的不到你選擇 , 不捨的心情會提醒我更加珍惜與你, 與家人一起相處的時光, 要活在當下,盡量不要讓自己日後有遺憾! 

已經相愛了七年啦, 已不需要你學做咩動作去氹人了, 已少了迫你影相, 既然你咁避鏡頭 >_< (但有時都會唔覺意迫咗你 hehheee), 很多嘢都已隨你心意了 (擺明就係寵壞你的主腦啦=.=")   只希望你快快樂樂無病無痛咁大家過得更多更多年, 你有你的情格, 我有我的脾氣, 好彩我地咁多年都無打大交XDXDD 

 一直都很感謝上天給我認識到你, 與你相見到相處是我們的緣份, 亦令我體會到珍惜當下. 開心可以很簡單啊~ (只要見到你就開心了^-^) 雖然你近年的活力減少了, 但我會好好珍惜與你一起的時光, 我知你很愛我, 我亦很愛你啊 ^3^ 

★By 珍妮★