青境之旅 ~ 經歷生死 ~ Day 2

2013年6月2日 (星期日)

Have a nice day ^^ 從酒店窗外望出去 , 好好天啊 ^^ 瞓到9點起身, 帶埋行理落樓下食早餐 + check out ,我地今日向青境出發lu ^0^


其實上網睇到有幾條巴士線都去埔里, 之後在埔里轉巴士上青境, 我唔想煩, 直接去南投客運買旅遊套票, 包了台中至埔里, 埔里至青境來回車票, 青青草原入園卷, 都係TW$600咋, 呢個套票係無縫接駁即係唔洗去到埔里下車再另一架轉車, 一架車坐到上青境,太安全同方便了(怕搭錯車迷路要找又side 時間hehee)


我地去到由酒店行到去台中干城總站大約要15-20分鐘, 太陽伯伯好勤力呀 >_< 想曬死人咩hahahaa 去到買票時己10:15 miss 了10:00車, 祗有等下一班11:15啦, 所以記得預好時間唔洗係站頭等車, 好彩呢個係總站有風扇同椅坐^^ 我就四維行下八掛下 ^^


終於都上到車啦, 係好舒服的旅遊巴嚟架^^　由台中去埔里大約一小時，由埔里再去青境就1.5小時車程, 好在沿途都好多嘢睇, 唔覺唔覺就好快到埔里啦 ^^ 到埔里可以下車去廁所,不過記得同師傅講聲先呀 ^^ 係埔里站有好多人上車, 有d人仲要企添 =.=" 本來好舒服的車箱搞到好迫了 >_< 好彩我地間民宿係山中間, 未去到尾站, 只係用了共二小時咋 ^^
巴士很貼心有廣播, 下一站係咩站,將近站時又廣播多一次 ^^ 離開埔里後的站就好近一個, 要小心聽住來下車啊^^


下了巴士大約13:30左右, 日光青境民宿就在路邊, 民宿男主人出來路邊接我們, 幫我們取行理入內, 點知就係搞check in 的時間就發生了地震, 地下搖, 牆上的畫係到拍拍拍.我同肥妹都呆了唔知發生咩事 @@ 好彩一分鐘內就停了, 宿主同我地講剛才係地震呀, 我地仲係呆, 未知個驚字wakakakaa 完全沒有逃生常識XDXDDD

一上到房見到個view, 完全忘記了地震呢回事XDXDD


好簡單的佈置, 沒有冷氣, 只有風扇, 到晚上有風扇已經很夠涼了^^


最like個小露台 ^0^ 有一對紗門同玻璃門


左邊景


前面景


右邊景, 個果成個城堡ge 係香格里拉音樂城堡, 都幾貴房租一晚架~.~


我地住日光青境大約hk$700/晚, 有咁靚美景, 好抵呀^^


打埋電話回家報平安, 等毛婆無咁擔心 ^^ 安頓好行理後, 落樓下大廳才從宿主口中得知剛才是6.3級地震 @@ 6.3級都幾嚴重了, 好彩我地大家都無事咋, 跟住宿主車我地上去小瑞士玩下行下 ^^


今日先去小瑞士花園行下 ^^ 但行前要先醫肚hahahahaaa 又係紙箱王 @@ 原來台灣好多紙箱王分店架 =.="炸嘢好好味, 麵就一般般了~




杯, 餐具, 椅枱都係由紙製的 ^^


坐出面又得, 仲可以望埋小瑞士花園添 ^^  雖然曬呀, 但一d 都唔熱, 好舒服好似秋天的感覺 ^^




我地不知不覺已經上到了海拔 1750米啦 @@ 係呢到肥妹寄明信片比朋友仔 ^^


4:30 我地預備入小瑞士花園啦 ^^ 都係要入園費, 剛巧我地係紙箱王食嘢換了一張入園卷, 又可以慳返張票錢了 hehehee 




睇場貓 ^^


入到去剛好有水舞秀 ^^


一位有愛心的女生, 用了十蚊買了魚糧去餵鴨, 魚XDXDDD


























從小山丘拍下, 其實係圍湖行一圈 ^^






行一圈短需用一小時左右, 因為5:30又有水舞秀了 ^^


又有人餵魚 / 鴨/ 鵝


連白鴿都食埋一份


行完小瑞士花園已6:00 feel到有d 涼意了


過埋對面馬路睇下有咩先 ^^


呢邊有個小商場, 內有幾家食店, 手信店, mos , 7-11 , 又可以shopping一番了, 可惜我地的台幣都係剛剛好咋 >_< 又係咁, 我次次去台灣都搞到要好慳才可以安全回香港 >_< 都係怪昨天租了小黃車令我地失了預算啦 >_< 個個都話無嘢買架, 點知去到就一定買到嘢回家 >_<  (今次我已經好忍手了, 同埋我帶細喼咋,已無咩位放, 所以唔洗買hehehe)














手信手信 ^^


台中同青境都有好多地方可以供蓋印章, 下次有機會來台灣記得預定本集印薄仔啦 ^^


梗有一間係左近, 7仔已經包了青境嚟做架啦 , 唔會見到其他便利店了 hahahaaa

經步道行上去法國小鎮, 由於開始天黑, 步道是給遊人安排由一個點去到一個點而不用行馬路那麼危險, 但步道位置樹木中間, 如果白天很不被曬到是舒服的, 但開始黑我就有點驚了 >_<

上到法國小鎮看到的日落~

patite 洋食館很精緻的小店^^ 我仲點了套杯給自己添 (呵...呵...) 都話女人沙漠都買到嘢架啦 wakakaaa

打邊爐 + 焗飯好fusion 啊XDXDD

水可以refill , 這店的水有d甜味幾好飲的 ^^

留言樹 ^^

我地食到8:30, 人家要收店了, 鄉下地方快黑好多, 仲可以見到好多星星^^ 我倆慢慢沿車路行返落去民宿, so 浪漫啊 XDXD 晚上在青境的涼意更覺. 回到民宿只係開風扇令空氣流通一下咋, 都仲要蓋被子睡啊~

明天要早起睇日出呀, 快d 瞓啦!!!

★By 珍妮★