有味小巴

2013年4月5日 (星期五)

完成了老yeah 事宜後, 場主車我地出去大路等小巴, 呢程小巴有好多味XDXDDD

那日下午, 我坐上了打鼓嶺開住粉嶺的綠van, 我同肥妹在總站上車, 坐在司機後第三排孖位, 沿路出去都有人上車, 去到第三個站,有一伯伯上車拍了咭, 未坐下就大家擾攘起來?? 第二排單人位的亞嬸叫: 哎呀, 流到周圍都係啦! 個亞伯: "哎呀, 倒瀉晒啦, 點算呀! 唔好意思, 唔好意思,有無紙巾呀! " 旁人即遞上紙巾給伯伯抺乾淨張chair, 之後有乘客與司機都好言建議伯伯下車.

最後伯伯下車處理他的流汁外賣, 車子亦開動了, 原來伯伯外賣中有一包錦鹵汁, 酸味圍繞住整架車! 亞嬸同司機講, " x 哥比塊布我啦, 我幫你抺下啦!" 一塊舊布就由司機位傳到去第一排單人位的後生女手上, 那後生女是亞嬸的親戚, 她很乖很樂意幫忙抺我地前面的雙人位的chair & 地下, 到下一個站時, 有人上車仍未肯收手, 上車的人坐下才完結那抺車行為, 後生女問亞嬸有沒有濕紙巾想抺自己對手, 我不由話說即取出一包濕紙巾給她, 她再比多張坐那有汁雙人位的乘客再抺以免沾污衣服^^

從亞嬸與司機的對話中, 相信亞嬸是村民成日搭小巴進出, 搭到熟晒. 司機都好nice雖然架車整dirty 了, 仍很歡容的駕車載大家出去粉嶺, 沒有一句抱怨. 司機講返佢叫伯伯下車, 想等佢整理返好d 嘢咋, 整污穢架車要洗車要比錢的, 跟手排有乘客爆出句: 和諧! 和諧! 整架車的氣氛都warm 起來^^

活在成行成市大公司,大財團, 連鎖店的地方, 有幾多小店被淘汰? 有幾多小巴線被取代? 有幾多個sales 係發自內心對侍客人而不是為了跑數? 在市區人人都急急趕趕 , 又有誰願放慢腳步, 靜一靜去感受一下身邊的人與事呢~ 這一程車感受到很有人性, 很互動, 很有人情味^0^ 是否要去到山卡啦才感受到這些味呢?  原來一切發自內心的美是要用心去感受的! 

★BY 珍妮★