$16 的晚餐

2012年9月18日 (星期二)

肥妹同事睇完珍情之味後, 報導完深水埗的一間有情有義的食店 " 北河燒臘飯店", 良心老闆日派500飯盒為草根階層, 窮苦街坊提供一個溫飽!


我無睇到呢篇報導,不過都相約去食個便飯支持一下^^ 一個盅頭飯加菜都只係$16堂食, 堂食仲有茶可以飲, 當然唔好期望有靚的裝潢有冷氣已經很好了, 環境好舊, 枱登都用了很久的樣子, 好老實講,地下又濕又滑, 冷氣又滴水. 而且好多老人家獨自食飯, 我地2個後生女有點格格不入 =.="

講返d 食物先,  唔好覺得平咗, 食物ge 質素會好差, 食物係唔差的, 足料,有人情味hahahaa 搭枱坐對面的伯伯, 見我地傻下傻下,同我地講, 要出去面日買的, 買完入來食, 到我地用茶洗筷子時差d用錯了人地個牙籤杯洗hahaa 又係多得對面個伯伯提我地, 雖然咁少少的提點, 但都很warm, 因為現代人個個都對住mon 個個都好閉門!


呢到有二餸飯, 仲要白飯任裝, even 唔任裝, 一碗白飯係等如兩碗咁多, 因為高出來的足足一碗呢^^ 餸係面口自己選, 份量一d 都唔少, 我睇都覺得好飽!

剛巧今日明哥同我地後面個枱善長講返派飯的過程, 經歷! 由當事人講出來, 那震撼力很大, 覺得身處的飯店好偉大, 一路食一路流下感動之哭! 明哥講述之前有個學生, 想幫助貧窮的人, 把自己生日收到的利是全捐出, 之後政府派六千時又再捐埋出來! 亦有一些大老闆落嚟同明哥傾合作事宜. 明哥講咗唔會收現錢的, 因為一有現錢的交易會很麻煩所以佢會叫想幫人就買飯卷派比有需要的人.
明哥再道出年中無休, 初一, 二三都堅持要開店是因為很多食店都不開, 就算有開的食店亦會加價, 明哥唔想街坊那幾天捱貴飯無飯食,所以初一二三都要開店為有需要的人服務! 明哥都講得好啱的,食落肚係最實在的, 幫到ge 就係幫街坊有得食, 食飽才有氣力!

一餐很有教育意義的晚飯, 在我們眼中十元百塊只會覺得不多的錢, 但原來對露宿者, 綜援人士, 貧窮家庭已經是他們的很多! 要好好珍惜所擁有的, 幸福唔係必然的啊 ^.<

★By 珍妮★