e?? 有街去hehe, 咁好ge , 仲要中午出門口?? 咁奇怪ge ???
呢到邊到嚟ka ??
開始有不良好的感覺!!!
入去又見醫生, 不過呢個醫生我第一次見,初次見面就摸人家腳仔 (面紅ing) 當中佢好細心同媽咪講解我有咩事啦, 媽咪死唔蝕咁問呢同問路啦, 不過都係傾咗十五分鐘左右就出返嚟啦, 好彩只係摸腳仔, 唔洗打針又唔洗食藥heheheeeee
(當中佢地講好多嘢我都扮聽唔到啦, 叫我唔好跳呀,唔好上落樓梯呀..... 我彩你都傻hahaa)
見完醫生, 行去搭車車了, 喂, 呢個入口呀, 快d 回家啦! (毛媽:你咁樣大搖大擺入去@@ 傻咗咩)
唉! 見一場嚟到荃灣,同你行個圈先回去囉 ^0^
不過唔好行咁耐啦, 都幾熱呀, 我要預備回家食晚飯ka, 唔係婆婆唔留我飯ka hahaaa
好! 影完! 收工hehee
終結醫生的說話:
1) 波蘿蓋移位已經去到第3級, 唔做手術唔會自己好返 =.="
2) 牙仔有牙石令牙肉發炎變了黑色, 唔好再扯公仔以免甩牙仔, 如做手術時洗牙便可!
3) 氣喘,未去到成日係到he he 聲, 可能係轉天氣影響, 不大問題!
By 毛毛
其實麥皮都2至3級... 醫生話如果行路無問題就可以唔做手術住~ 咁毛毛宜家行仲有無吊腳呀?? 同埋係咪一隻腳有問題??
回覆刪除[版主回覆08/21/2012 16:50:00]係可以唔洗做住, 不過唔會好返.只係擔心再年紀大些才做手術會更危險啊
毛毛近排少了吊腳, 毛毛只係一隻腳有事
快D決定幾時做啦!!
回覆刪除毛姐行路姿勢有問題, 太用力喇 ...
唔早D做好 .. 老左會更加辛苦ka
[版主回覆08/21/2012 17:26:44]佢依家有妹仔(我) 比佢洗 , 唔水怕
唉
咁...不如快D做啦，到冬天好返又可以行山
回覆刪除[版主回覆08/27/2012 10:38:58]好喎, 有個目標可以好快d
聽你咁講又真係早d做好d。毛姐加油呀！
回覆刪除[版主回覆08/27/2012 10:39:02]佢唔細了, 拖唔到幾多年 , 都係要做
飛飛：毛姐加油呀！早D好番！我地再一齊去行貓步
回覆刪除[img](winking)[/img
[版主回覆08/27/2012 10:34:11]好呀,我地又可以出來行lu
DR. B : 毛姐你都係一位專業醫生, 既然有病就要早D去醫呀, 我地都成日咁同D病人講呀, 所以及早做, 就會快D好番呀. 加油呀, 毛毛醫生.
回覆刪除[版主回覆08/27/2012 10:37:47]毛毛: 我無做醫生好耐了, 我過緊d 退休生活啊
有時真係好難決擇，毛媽你宜家一定好心煩，希望毛毛的問題可以順利解決
回覆刪除[版主回覆08/27/2012 10:36:42]煩完了 =.=" 依家都決定了做, 依家只夾醫生同我個檔期
咁係米一定要做手術呀~~
回覆刪除[版主回覆08/27/2012 10:32:00]唔會自己好返的, 而且日後老時會更差, 到年紀再大時才考慮做唔做手術就要想得仲多, 因為年紀大麻醉係仲危險的
咁妳打唔打算同佢做手術﹖
回覆刪除[版主回覆08/27/2012 10:30:29]會做呀, 依家check緊醫生個期同我自己d 假期
毛姐一定相信妳為佢做每一個決定都係為佢好！
回覆刪除[版主回覆08/27/2012 10:29:54]我都係咁諗
有冇其他方法呀? 如無早D做好, 當年我大仔(約瑟9歲)被醫生誤疹是小腸氣, 落了麻醉藥後只做了 desex, 之後身體大不如前, 麻醉藥對老狗好大傷害架
回覆刪除[版主回覆08/27/2012 10:28:45]大家都知道麻醉一次傷身一次,而且越大年紀做就傷 >_< 其實都plan 咗會做ka 啦
雪雪都做完，基本上頭三日辛苦啲，之後唔俾佢跳就得!唔駛太擔心!一定無事!
回覆刪除