踩單車郊遊

2012年3月29日 (星期四)

好幾幾幾幾年都無踩過單車啦, 今日清埋餘下半日假, 平日去踩單車唔多人好舒服呀, 而且我呢d識踩不過好耐無踩ge 就更危險XDXDD

15:00 係大圍租車向沙田出發


好彩今日唔太晒, 才無咁辛苦咋, 仲可以踩住吹住風好舒服添 ^0^


未踩過入去馬鞍山, 就沿住海濱長廊去到烏溪沙青年渡假營


請認住我呀, 唔好跟我車咁貼呀, 好危險kaXDXDD


暗暗天

好快就踩完馬鞍山海濱長廊lu


一場嚟到, 當然行埋去隔離睇下 "海之心"啦 ^o^/




伯伯仲係到砌緊石


頭先完長廊, 依家行村外的馬路邊回去, 再轉返去大埔墟方向^^


去到科學園啦, 係科學園旁又起豪宅了, 仲要好大範圍添 >.<


無諗過自己可以踩到咁多路 ^-^ 去到小碼頭即係好快到大埔了, 加油啊!!




Yeah !! 到了大埔啦, 係亞姐收工前都買到菠蘿冰食啊, 為呢個旅程劃上句號^^ 初時都有想踩埋入去大美篤交車, 不過唔夠時間啊, 為有大埔墟交車啦^^


活動總結: 由於好少踩單車, 應該租車時可以租埋個 P 字就最好啦, 大家都安全! 我已經係手腳唔協調ge 都唔係踩得好, 點知仲有d 妹妹比我還要利害 =.=" 所以 P 字係有用的 =.=" 最好就好似汽車咁剎車有尾燈等後面d 人唔好炒埋嚟嘛!!! 真係千其唔好跟車太貼啊!!!

好開心可以踩到咁多路, 希望明天唔好做咗 "妲己" 啦XDXDD 而且好多上斜落斜, 落斜的速度感當然爽啦,不過上就要推車了XDXDD 沿途不停比人係身邊 "ship ship" 聲飛過, 可能我真係踩得太慢了 =.=" 好彩我都偏左行慢線, 留返d 快線比人啦hehehee

交完車差不多19:00, 找嘢食醫肚了, 踩緊都未覺攰, 當坐底等食嘢開始嚟料啦 @@

去了川滬小廚食上海嘢, 都幾好味啊!


呢個麵餐好抵呀 ,而且唔係好細碟喎, 正常size ^-^


排骨湯麵


涼伴鮑片


小籠包不過不失啊^^


醉乳鴒好味啊


仲有個餃子, 飽晒 ^^

好攰了, 好彩唔係曬咋 ,否則一定散咗!! 快d 回家瞓覺lu , 仲要搽定舒緩膏才瞓,我真係怕明天做妲己呀 wakakakaaa

★By 珍妮★