毛毛的心底話

2011年7月22日 (星期五)

到底主人同自己的狗狗是否真溝通到呢? 是否真的知道他們在想什麼?  動物傳心術有人相信, 亦有人不相信, 我是偏向相信的, 由今次傳心術師幫我同毛毛溝通完之後, 令我對毛毛有更深的了解. 

======  Start to connect ========

T: 傳心師  M: 毛毛 

M:好開心有人類同我咁樣講野, 了解唔等於關心, 關心唔等於愛護, 愛護唔等於愛錫, 其實我係咪咩都可以講.

T:係, 你可以咩都講, 其實你點睇你媽媽, 你覺得佢錫唔錫你, 你喜唔喜歡同佢生活.
M:其實我平時當佢係家姐咁, 媽媽, 只係佢當左我係佢個女,不過都唔太介意都係一個名. 佢係一位樣樣都為我去想既大朋友, 咁因為佢係大女, 所以佢會有一種不自覺處處為人去想既思想, 冇話好唔好既, 我冇咩所謂, 只係有時怕佢辛苦自己, 同埋佢咁樣做未必會得到佢想要既回報呀, 有時你對人好, 唔代表人地會對番佢好, 佢錫唔錫我呀.....佢對我好好, 唔只係佢呀, 婆婆都對我好好呀, 不過我地2個有時見到佢咁辛苦, 有時都想佢可以休息多D, 我想去玩, 不過有時見到佢做野做到咁夜, 我去少日街都冇所謂的, 唔通叫佢瞓都唔瞓就陪我去玩咩, 我都唔好意思啦.
T:你對JENNY有D咩LIKE咩係唔LIKE
M:我對佢冇咩唔LIKE, 佢都做到佢既本份, 山長水遠都同我去玩, 仲想點先得呀, 不過最好就唔好叫我唔好吠, 你地有冇想下, 平時起屋企都唔比吠, 出到去郊外吠下係正常既事, 如果我係吠狗就睇下情況啦, 唔好次次我一吠就叫我唔好吠, 同埋我唔LIKE游水呢個係唔會改到呀. 唔好迫我呀.
T:你係咪一出世就咁細膽
M:細膽係因為我細細隻, 所以有咩風吹草動我就好擔心, 同埋有時我都知JENNY有D野都驚, 佢都未必保護到我啦, 其實驚係正常, 同埋呢樣野係改變唔到既事實, 行雷, 打風, 大雨, 車聲, 你想捉我都會搞到我好驚,
T:你講呢番說話有咩意思 "了解唔等於關心, 關心唔等於愛護, 愛護唔等於愛錫"
M:只係想講大家都好想了解我地想法係點, 但係比你地D大朋友知道左, 你地又可以關心我地幾多先得呀. 咁比你地關心左, 但係會唔會係可以持之以恆, 我唔係講緊我屋企位大朋友, 只係有時見到好多狗狗未必有我地咁幸福, 所以我會好好珍惜佢地對我咁好, 我有得食, 有得住, 有得玩都唔知幾開心呀.
T:咁你喜唔喜歡"番工(做醫生)"
M:其實有得選擇, 我唔多LIKE, 因為我好怕比人摸, 我知呢D係大朋友想帶我見識多D同埋想我地社會有D貢獻, 不過你都唔係唔知每次去探訪真係咩人都有, 佢地都有唔同既情況, 最悶係老人家冇咩反應, 最唔LIKE小朋友太大聲叫, 我好唔喜歡, 仲有最怕D朋友大聲拍手同埋跳.
T:你身體幾好嗎?有冇咩唔舒服
M:我身體好好, 講真我好少病痛, 我最勁既一次就係做DESEX, 我連肚仔痛都好少, 所以你可以放心, 我身體都唔知幾好呀. 你同我定啦.
T:你有咩要同大朋友講呀.
M:大朋友帶我去多D街啦, 比多D肉我食啦, 其實想我開心就算唔去街佢陪我起屋企玩我都好開心呀. 不過佢緊要係佢要保重身體,佢身體唔好, 我都唔見得好好, (佢病左冇人同我去街玩), 仲有有時間就多D休息, 唔好太操勞呀. 希望佢會每日都再錫我多D啦.
你下次有咩問題再找我啦.

======  The End ========

7/20 我的閱後感 :

第一個感覺咁多字, 毛毛講咗咁多嘢@@ 亦有想過會唔會係因為傳心師 T 與我同毛姐相熟的關係,有些資訊是由傳心師 T 加了個人的感受而多了出來的呢?

 "了解唔等於關心, 關心唔等於愛護, 愛護唔等於愛錫," 咁深ge 嘢佢都識講@@ 真係唔可以少看毛姐!! 我估唔到佢ge 想法一d 都唔似一位小朋友, 真係好似一個大人咁好成熟! 佢比我相像中識諗!  但我寧願佢係一位小朋友!

我之前有想過毛毛是否鐘意返工去做探訪呢, 現在有了更明顯的答案了,這我也不再勉強她了.改為帶她去多d 地方玩了^^  而游水方面我一早知佢驚同唔鐘意的, 依家佢都咁講咯, 為有少d去游囉, 好間中去浸下水囉 hehehe

有關毛姐咁care 我身體健康, 我真係出符意料之外, 佢原來咁關心我的, 更令很窩心. 這小妹妹的心思都好細密,好多嘢都睇到及明白, 可能平時佢講了我唔識聽咋^^""

7/25 我與 T 電聯後感 :

原來毛姐真係自己講咁多嘢, 亦好願意去講出她的想法 , 可能她已識 T 的關係所以分享好多嘢. 亦解開了我覺得係 T 放了個人感受的疑問, 連 T 都話傾計時毛姐唔似一個小朋友的, 係一個大人的感覺. 呢位小朋友點解一d都唔似小朋友ka 呢, 到底我要點同對佢子同佢溝通呢,答案就係更加錫她囉hahhahaa

上星期我麻煩 T 幫我問下毛毛唔好咁細膽得唔得? 係唔係覺得我保護唔到佢而咁驚呢? 再加多句就係: 如果可以就同毛姐傾下計^^  對 T 的幫忙十分感激, 首先要打咁大篇字都不是易事. 我好開心佢同毛毛傾計及毛毛亦 open her heart 去傾, 今次傾計幫我了解毛姐多了, 亦給了我心靈上的滿足, 整件事都係 postive 的. 更多謝 T 幫我解開了傳心術的一些疑問, 雖然我有考慮過下(幾分鐘) 去學動物傳心術, 不過我估未必得因為我心 / 思想未夠平靜同relax XDXDDD

★By 珍妮★