2011年4月25日 (星期一)
今日係復活節假 crossover 天后誕, 8點幾就已然有拜天后隊出動, 由於我家附近有個天后廟, 所以樓下一早已封路, 我係咁嘈的環境下都忍受到瞓多半小時才起身
好多年都無睇過天后誕巡遊, 第一年帶埋毛毛一齊去睇^^
10:30到達已經有好多人了,見到位就攝啦,好彩毛婆有帶遮,我有帶水
睇到呢到 =.="毛婆婆叫走因為見有d 頭暈,就改挨係後面牆到定一定先行, 點知就暈底了 好彩有途人同警察係到,好快St. John隊都到埋, 好快毛婆有返知覺, 但為了安全都送了去醫院check check
係醫院休息了大半個鐘,毛婆起好返好多, 面都有返血色了, 但要等驗血report 出來及醫生來睇, 我就去食了個唔難食的lunch 
我地好彩係去博愛咋, 去屯門醫院分分鐘唔只用了3個鐘呀 可幸毛婆精神返無咩事, 去到醫院等的期間又瞓下,回復過來了
★By 珍妮★
估唔到警察同ST。JOHN幫助咁大，馬上送去醫院，冇事你就可以放心。不過，下次去人多嘅地方，都係小心D好。帶保廣力同帽呀，遮呀等等。我諗今日晏晝都好熱吓！
回覆刪除今日都幾熱，可能伯友少少中暑？E家冇事就好啦 祝伯友身體健康！精神爽！
回覆刪除好彩 .. 婆婆冇事咋
回覆刪除可能天氣又熱 .. 又焗 ...,下次 ..呢d太多人o既地方, 都盡量唔好去喇, 你得 .. 婆婆年紀大 ... 未必頂得到
最緊要人矛事！下次要準備消暑三寶就矛問題，風扇，登仔加水！
回覆刪除天氣熱...
回覆刪除可能中暑
小心啊~~
好彩婆婆好快就無事﹐黎幾日記住叫婆婆飲多d水呀﹗因為個身應該都仲係好滾。 今日真係好熱，我成4點幾帶2小豬落街雖然好大風，但係勁曬。
回覆刪除尋日真係好曬~ 好彩無事咋~ 祝毛婆身體健康~
回覆刪除圓咕碌 : 可能中暑 , 希望婆婆早日康復~!!
回覆刪除我都有帶埋B仔去睇呀, 不過真係好熱好多人呀, 係呢婆婆好d未呀, 真係出入要帶水呀, 風扇同埋濕毛巾出街先得呀.
回覆刪除又熱又焗，唔好話老人家，我呢D中婦都頂唔順。
回覆刪除祝毛婆婆身體健康!