2010年8月28日 (星期六)
嘩咁多嘢食開大食會呀?
非也由於roni 想整嘢食比佢d 狗仔食
就打搞咗小花家為工場啦
我就是安排今天工場開幕的主謀啦
我地整好多嘢, 有蛋糕啦
香蕉蛋糕
焗好的香蕉蛋糕
南瓜蛋糕
roni 做衰嘢呀, 引elmo 
等elmo犯罪
之後冰釋前慊, 仲friend 咗添
南瓜餅餅
同一個模都可以出到大魚vs 小魚
roni 第一次幫手為小朋友猜粉
用唔盡d 位喎
狗狗朱古力(角豆粉)餅餅未成形前
仲蛋糕同餅外, 仲有一樣唔洗用焗爐的, 只係蒸就可以了魚肉包芝士,包保個個小朋友都食到lam lam 脷
龍利柳芝心丸
蒸完啦 
今日好合拍, 分工合作, 唔side 時間所以5個小時搞咗一枱都係美食!
南瓜小蛋糕
香蕉小蛋糕
南瓜餅
香蕉餅
朱古力(角豆)餅
吞拿魚餅
龍利柳芝心丸後記: 今日整整下外面突然行雷下大雨, 我同毛毛都係小花家內雖然無出去玩但都開心過了一天
★By 珍妮★
2010年8月25日 (星期三)
上次紅菜頭的分量多咗好多,所以出來的顏色好紅, 今次跟足用30ml 紅菜頭汁(仲要隔渣), 食咗一粒,完後覺得完全無味無香, 好似食緊舊粉咁 不過咁就合晒狗仔食啦
未焗前個色都幾靚
焗完變咗粉色d更靚
紅菜頭 (Beet Roof) - 又名甜菜，含豐富的葉酸、纖維、天然紅色維他命B12、鉀、磷、鈣、鎂、碘、鐵等礦物質。它獨有的甜菜鹼，有助保持狗兒肝臟機能健康、協助肝臟細胞再生、清肝補血，有助提升體內的氧氣量。 其中纖維含量高，能幫助消化和促進腸胃蠕動、降低膽固醇及預防心血管病等。另外，有研究發現紅菜頭汁能有效防止細胞癌變，能維持狗兒肝臟、腎臟和膀胱的健康。
材料 (份量約 20塊)：
紅菜頭汁約 30m l
麵粉 50g
做法：
1.) 預熱焗爐至160℃ 約 15分鐘，焗盤鋪上焗爐紙備用。
2.) 紅菜頭洗淨去皮，放入攪拌機內加少許水打成汁。
3.) 逐少加入紅菜頭汁於麵粉內，直至搓至不黏手的麵糰。
4.) 用桿麵棍桿至3mm 厚度，用餅模印出喜愛的形狀後排放在焗盤上。
5.) 入爐以 160℃ 大約焗15-20分鐘左右至熟即可出爐，並排放在鋼架上散熱，待完全放涼後才可放入密實盒內保存。
＊(小提示)：
1.) 如果粉糰黏手或太乾身，可以逐少加入麵粉或蛋液，自行調較合適的黏度。
2.) 焗盤鋪上焗爐紙墊底，可避免黏底。
3.) 餅乾焗好後，可以再以低溫(約120℃ 左右)加以烘乾，使餅乾更乾透，能夠提高餅乾的乾身程度，有效延長食用的保存期限。
4.) 焗好的餅乾一定要放在上下通風的鋼架上散熱，待完全放涼後才可以放入密實盒內儲存，否則餅乾會變得不鬆脆。
5.) 此自家製小食絕無添加色素及防腐劑，主人每次可以做多一點份量，用密實盒盛起，放入雪櫃內可以冷藏數天，可當作訓練或獎勵的零食。
引用: 狗狗私房菜 http://hk.myblog.yahoo.com/homemade-dogfood/article?mid=11641
★By 珍妮★
2010年8月23日 (星期一)
回到家睇現場新聞才知道發生了咁大件事
一路睇一路好緊張,好擔心旅遊車上港人的安全
雖然大家互不相識, 但人心肉造, 誰也會登車上的人擔心
一家大細開開心心去旅遊, 萬萬估不到會發生這樣的悲劇
死去的人固然無辜亦是一個悲哀
生還的人日後的陰影怎去磨滅?
823 會帶來幾多個家庭傷感的一天
===Quote by news ====
本港旅行團在馬尼拉 ，被槍手脅持的事件持續超過十小時，以血腥告終，警方晚上採取強攻行動， 在八時四十多分鐘，旅遊巴冒出催淚氣體，再傳出激烈駁火聲，槍手中槍死亡，屍身伏在車門，中國大使館說，被脅持的十五名本港人質，有七人死亡，兩人重傷，六人輕傷，大使館表示遺憾，要求菲律賓 當局交待發動強攻的原因，菲律賓官方解釋是由於槍手準備殺死人質，於是採取營救行動；外電引述三間醫院說，至少六名本港人質遇害，其中兩人送抵醫院時證實死亡，另外接收四具遺體，一名女傷者傷勢危殆，另有五名人質留院診治。
現場直播片段顯示，至少六名人質生還落車，部份人情緒激動，三名傷者被抬出，槍手晚上八時許用自動步槍向車外掃射，玻璃窗遺下十多個彈窿，本港無線電視台一名工程人員被流彈擦傷，另外，至少兩名當地人受傷；槍手以搭順風車為名，登上旅遊巴，再用M16自動步槍騎劫，要求恢復警察職務，他先後釋放九人包括六名團友及一名導遊，到晚上七時許，現場傳出多響槍聲，被脅持的旅遊巴司機逃出，當地電視台引述司機聲稱，全部人質遇害，特警於是採取強攻行動。
===Unquote===
★By 珍妮★2010年8月23日 (星期一)
放工行過報紙檔見到個agnes b 袋仔幾靚, 仲以為係日本雜誌送的品, 點知一睇原來係elle 送的
一見就鍾意咗
尺寸: 18cm (闊) x 13cm (高) x 5cm (底闊)
初時想係便利店買賺最印花,點知行到去只得普遍版($20), 最後都要行返轉頭買 限量版($40)
★By 珍妮★
