深圳主題酒店

2009年5月4日 (星期一)

星期六上咗深圳行下relax吓, 點知遇到d 令人火火火的事=.="

我即日網上book酒店，黃昏上到去check in話我無record, 唔係呀化, 無房又叫我自己check agent 又沒有公用電腦比我check 返個email 比佢睇

結果要去到萬象城再問邊到有公用電腦上網, 最後去了網吧, 我連香港都未去過網吧呀

 最後用相機影底我地個confirm email 再返去酒店比佢睇先有房住

我地今次住呢間 "視界風尚酒店" 因為之前見blog 友入住d 房好有特色仲有好多個主題選的

晚上的大堂                                                  

我地住A380 機艙 又真係幾似喎

入住咭 with key card

房內別緻的裝飾                        

走廊位, 不同主題區有不同的走廊

好多鏡呀                                           

好似山洞                                           

樓梯位落地下                                  

攞到房就出去找嘢食啦!! 一直都未試過內地的小肥羊, 今次就去試下先, 二個人眼闊肚窄叫得太多嘢啦

 搞到好似係香港食一樣咁多錢, 當然我地食多過香港好多啦

          

食飽飽就去萬象城行一陣就返酒店, 發展房內有張catalog 介紹有幾多種主題房, 下次再嚟住過另一個主題先

瞓醒就係酒店內四維行下影下相

日間的大堂

走啦!!下次嚟時我會print 定張confirm email ka 啦

行返去萬象城附近食lunch, 本來想去試品村的lunch buffet 但主要係食日本嘢,k哥話怕唔乾淨喎,改食隔離的D21 西餐

食完lunch 行去書城啦, 只係隔離咋好近的^^

這樣就玩了二日啦^^  下次睇下再去邊個站玩先XDXDD

後記: 呢間酒店我覺得ok 的,幾得意的, 只係前台個service就．．．結果我回港同agent complain, 結果agent 都有幫我跟進返, 呢d 先叫service 嘛^^

★ By 珍妮 ★

夜訪林bb

2009年5月3日 (星期日)

由深圳回來,回家放低d 嘢, 比埋嘢毛毛食, 換件衫就再出去, 去探林bb呀^^

未滿月前我地怕我地太多人會打搞bb , 所以等bb大個少少先去探佢啦＾＾

bb 同daddy 好似樣, bb 要聽daddy mami 話呀, 做個乖乖的小寶貝啊^^        

是日係Dr. Pet 的畢業禮, Dr. Mini 都係今年畢業主角之一,雖然我去唔到參加, 但餅餅整嘢個cake 比我地的小朋友食, 一齊分享她的喜悅, 毛毛又有口福啦^^

★ By 珍妮 ★

黃昏南生圍

2009年5月1日 (星期五)

本來我可以同朋友仔一齊去塔門玩ka, 不過媽咪要返工唔可以同我去玩啦, 悶咗係屋企大半日, 等到5:00媽咪趕返來帶我出去,剛巧排骨哥又得閒,我地一齊去南生圍行下啦^^

點知搭的士去到半路有阻塞,我地就落車行入去喇^^

未比排骨哥整時影返d 靚相先

剪影            

去到草地已經無乜太陽啦,影唔到相了, 不過唔緊要啦,我玩得開心咪得囉 XD

我地由5:30係屋企出發,行/玩到7:30先返到屋企,我仲帶埋條毛送比婆婆添XDXDDD

沿途有好多人都話我得意^^ (毛媽: 其實人地話你條草咋=.=" )

同場加影媽咪杰作 XDXDDDD             

★ By 毛毛 ★

窩心的短訊

2009年4月30日 (星期四)

假期前趕走辦,連學都返唔到都算了, 因為今日好多嘢都趕住整好才放假,當中仲發現好多嘢係錯咗唔可以即時改返添,令到個人好down，對自己好失望, 雖然有d 係唔關自己事的, 但都有d 怪自己做得不夠好>_<

到了晚上9:30 kelvin 預備收工打比我, 睇下我走未一齊食飯, 但我未走得呀, 咁我叫佢唔好等我自己回家啦^^點知到了10:50 收到個好surprise 的 sms

點解會咁surprise 呢因為kelvin 係唔打中文sms 連平時用電腦都係用手寫板ka 咋, 竟然打到中文字給我真係好驚喜及窩心

★ By 珍妮 ★

讀萬卷書不如行萬里路

2009年4月30日(星期四)

"讀萬卷書不如行萬里路" 雖然我唔係去咗好遠的地方,只係這星期去了大陸公幹了2次已經有這種感覺了, 因為先前去了珠海的廠, 係珠海食了個水蟹粥,好好味超鮮甜, 之前係香港食過的蟹粥都係蟹還蟹粥還粥,而且平時香港的水蟹多數係花蟹炒完先知係水蟹唔好食的, 但原來水蟹粥的水蟹係青蟹咁款的^^ 廠同事還讚在此食比澳門的還要好味^^ 我未係澳門食過唔知啦, 但我已好欣賞這個水蟹粥了(想起都流口水)

今日又去了東莞,今次係經羅湖再搭火車去東莞, 我已經好幾年沒有入羅湖了, 而火車的印象就只有小朋友時春節回廣州的恐怖場面留在我腦裡,今次上去有換言一新的感覺, 深圳出境後的路沒有想像中的恐怖, 因為成日形住好多小偷,好多乞丐,好多污穢的人, 點知行去火車站的天橋ok喎,光猛又唔污穢^^

入到去火車站感覺都好好, 沒有污穢的人,地方光猛乾淨, 火車真係比我喜出望外的子彈形,不是以前的舊火車了, 坐位舒服又劃了位唔怕無位坐, 感覺非常好^^ 同小朋友時上到火車沒有位坐,坐在行理上,每到一個站d人係窗口扒入or跳出的情景真係差天共地呀 >_<

有小小覺得自己先係大鄉里出城, 發現好多新事物(可能唔係新ka 啦) 好多嘢都已經日新月異了^^

★ By 珍妮 ★

郭bb 出世啦

2009年4月26日 (星期日)

Lu Lu 終於昨晚誕下郭bb啦見住佢由細細肚到大大肚真係好奇妙, 上星期佢已經入了醫院待產更為緊張,痛了三日終於辛苦地把肥肥白白的bb 帶到世上, 幾辛苦都是值得的

昨晚聽唔到電話miss 咗佢3個call, 當見到3個miss call 就好擔心即刻打回給她,但沒有人接,只好等消息啦^^ 原來bb 昨晚7點幾平安出世, 今日我同朋友仔一齊去探lu lu & bb 可惜昨天lulu 同bb 都發燒所以今日沒有得見bb >_< 好在佢地有影相出來給我地看, 原來生完都仲有個肚ka,我以為生完就唔會見肚 添XDXDD

聽返lulu 由痛到生產, 生產中有幾辛苦有幾痛,真係有d 驚驚地, 母愛真偉大

bb 好得意, 咁細個就有眼袋似足公公, 希望bb 健康快樂,聽教聽話^^ 等過一排先再去探過bb 同lu lu 先

★By 珍妮★