2009年4月30日(星期四)
"讀萬卷書不如行萬里路" 雖然我唔係去咗好遠的地方,只係這星期去了大陸公幹了2次已經有這種感覺了, 因為先前去了珠海的廠, 係珠海食了個水蟹粥,好好味超鮮甜, 之前係香港食過的蟹粥都係蟹還蟹粥還粥,而且平時香港的水蟹多數係花蟹炒完先知係水蟹唔好食的, 但原來水蟹粥的水蟹係青蟹咁款的^^ 廠同事還讚在此食比澳門的還要好味^^ 我未係澳門食過唔知啦, 但我已好欣賞這個水蟹粥了(想起都流口水)
今日又去了東莞,今次係經羅湖再搭火車去東莞, 我已經好幾年沒有入羅湖了, 而火車的印象就只有小朋友時春節回廣州的恐怖場面留在我腦裡,今次上去有換言一新的感覺, 深圳出境後的路沒有想像中的恐怖, 因為成日形住好多小偷,好多乞丐,好多污穢的人, 點知行去火車站的天橋ok喎,光猛又唔污穢^^
入到去火車站感覺都好好, 沒有污穢的人,地方光猛乾淨, 火車真係比我喜出望外的子彈形,不是以前的舊火車了, 坐位舒服又劃了位唔怕無位坐, 感覺非常好^^ 同小朋友時上到火車沒有位坐,坐在行理上,每到一個站d人係窗口扒入or跳出的情景真係差天共地呀 >_<
有小小覺得自己先係大鄉里出城, 發現好多新事物(可能唔係新ka 啦) 好多嘢都已經日新月異了^^
★ By 珍妮 ★
2009年4月26日 (星期日)
Lu Lu 終於昨晚誕下郭bb啦
見住佢由細細肚到大大肚真係好奇妙, 上星期佢已經入了醫院待產更為緊張,痛了三日終於辛苦地把肥肥白白的bb 帶到世上, 幾辛苦都是值得的
昨晚聽唔到電話miss 咗佢3個call, 當見到3個miss call 就好擔心即刻打回給她,但沒有人接,只好等消息啦^^ 原來bb 昨晚7點幾平安出世, 今日我同朋友仔一齊去探lu lu & bb 可惜昨天lulu 同bb 都發燒所以今日沒有得見bb >_< 好在佢地有影相出來給我地看, 原來生完都仲有個肚ka,我以為生完就唔會見肚 添XDXDD
聽返lulu 由痛到生產, 生產中有幾辛苦有幾痛,真係有d 驚驚地, 母愛真偉大
bb 好得意, 咁細個就有眼袋似足公公, 希望bb 健康快樂,聽教聽話^^ 等過一排先再去探過bb 同lu lu 先
★By 珍妮★
2009年4月25日 (星期六)
終於見到林BB啦!!是日入村食盤菜來賀林BB 的滿月
好耐沒有係村內食盤了, 小時候坐於村書房的大堂成村人一齊食好熱鬧, 眼見D 婆婆嬸嬸們好忙住整盤, 有些洗食物,有些煮食物,有些搬食身的情景又浮現於腦內
今次係大個後第一次去其他村食盤,感覺不同了,但都好熱鬧好高興
嚟張合照先
大姐與我 
瘦得健康的Ellen 與我,仲有米仔
我地狗仔朋友一圍, 第一次見米仔,好可愛啊
好開心見到Kelly 又精神又成日笑晒口,祝你健健康康,快快樂樂 
大姐表現了佢少為人知的一面 >_< (哈..哈...哈...)
林bb 出場啦
這小子未夠一個月就有咁多頭髮了,仲好乖豬咁瞓唔扭計,過好多手都唔喊喎^^
抱得好生硬,因怕整親bb 
一家快快樂樂, 祝林bb健康成長,聽教聽話^^
今日都沒有帶毛毛出街，帶咗隻紅雞蛋比毛毛一齊分享林家的喜悅，還有黃女士辛辛苦苦整比小朋友的小食^^ 毛毛食得好開心
★By 珍妮★
.gif)
.gif)
