驚喜情人節

2009年2月14 日 (星期六)

今年係同k 哥第二年過情人節, 暫時未有毛毛份,遲d 先加埋佢

 上午帶咗毛毛落街行咗一陣, 之後沖完白白就出門口啦,因為一早約好今個情人節同k 哥二人靜靜的度過, 我地先去新城市行一陣街, 佢就係咁問我想要咩禮物, 我話唔洗啦

, 之後佢突然彈一句"買枝鏡比你啦!" 我問" 吓!! 唔洗啦, 枝鏡成6千幾ka

咪傻啦" 心諗: 你玩我咩! 你送咁貴嘢比我,我收唔收好呀

再者都唔知係咪試我之後玩鬼我

跟住我地就去咗citysuper 買材料回家整今晚的dinner 啦, 點知牛肉櫃到d 人多到好似新年去咗街市咁, 想迫入去到有d難度, even pack 好的牛扒都要成$3xx 一件, 不如出街食算啦, 因為自知廚藝麻麻, 好怕side咗件牛扒 

之後再行去一田就好d , 起碼少dd 人,而且多了些平價的選擇, 我地買了pack 心形黑毛牛漢堡扒回去, 再加埋意粉, 菜菜都好夠了

 行行下見到牛奶布甸我要求買回去做甜品, 但 k 哥唔多想,咁我就沒有買了

回到家一齊煮, 點知件牛扒......底面都燶了唔食得, 為有片了底面得返少少中間可以食

好興幸沒有買$3xx 的牛扒

 食飽又洗完碗, k哥突然取了個雪糕蛋糕

出來, 當我開盒時就見到我的禮物啦

算佢啦!仲以為佢沒有為我準備禮物添

謝謝你為我地的情人節預備了咁多心思

★By 珍妮★

大笑飯

2009年2月13日   (星期五)

新年前小花 & kat都抽到公司的大獎, 定了今晚大家一齊分享她們的喜悅, 我地去了深水埗容記食中菜

,我地已經唔在意嘢食是否好味,因為我們好耐都無咁齊人一齊食飯了, 在笑聲中享用了一餐美味的晚餐!

今晚太多笑料了, 真係笑到肚都痛埋 由於意猶未盡就再去松記食埋個糖水先離開

 期待下年你地又中大獎再請我地食飯呀

初班最後一堂評相

2009年2月12日 （星期四）

最後一堂攝影堂係評相堂,由於隔咗個新年假好多人都無返,只得半班同學仔上堂, 故之言相的數量都少了好多啦=.="

今次選相選得好辛苦, 近排沒有什麼作品合心水, 幾經艱辛先選到2張出來>_<

1)荷花 ~ 用了側光, 光就靚啦, 不過太多花了,無咗個主體,因為有5個主體只需一個就夠, 麻麻地

2) 欄柵 ~ 背光相,但背景唔夠深, 麻麻地, 太正中

小插曲 - 當評相時張sir 估呢張相係墳場影=.=" 講笑咁講: 乜咁大膽呀,之前有個學生係墳場影完, 賴嘢啦, 晚上有一隊士兵係門口步操!! 雖然我唔係在墳場影,比佢咁講都有d 驚驚地=.=" (真係無用) 事實我係香港公園影ka >_<

最後張sir 都係話講笑ka咋, 但我真係白痴到去想像過個情景=.="

 

Lunch @ Sheraton

2009年2月11日 (星期三)

鄉下妹好少去hotel食嘢,今日有幸食咗個好豪嘅lunch, 因為lunch時同廠去了Sheraton 食lunch buffle, 最緊要唔係自己俾$

, 原來Sheraton 的食物真係不錯, 比起之前係hk hotel還要好味好多

由其係我最愛的甜品, 搞到我都食了幾件補返數,lunch 的種類都唔少. 唔知呢到食buffet貴唔貴呢, 唔太貴都可以大時大節同朋友仔去豪吓

是日lunch 同 dinner 真係差天共地

 晚上去了又一城行街,又諗唔到食咩好又見板前唔係咁多人等位, 咁就不如食板前壽司啦!只係等了30mins 就入座了都ok 快啦

當食第一件壽司(從迴轉帶上取的) 發覺d 飯好乾硬,成粒成粒好似放了好耐咁款

 以為因為放得耐先會咁啦, 點知我地點了的壽司到了, d 飯都係一樣咁冷飯free, 咁即係唔關放得耐唔耐事啦

搞到我地只食了平時份量的一半沒有再encore了

 

★By 珍妮★

等久了的彭福

2009年2月7日  (星期六)

因馬術奧運而封閉的彭福公園於1月尾已開返啦! 望到頸都長埋,今日終於約埋朋友仔一齊去跑返轉先

天氣仲要好好,又有太陽搞到個個小朋友都伸晒脷仔

穎穎同希希感情好咗好多了,跑又一齊跑得好開心添

天真yoyo

唔乖兩公婆成日唔知走咗去邊吠的pee

成日走咗唔知去邊的珮珮

好滑溜的娃娃                         

好靚女的媽媽 ~ 寶珠          

Daniel 仔

jacky 仔                                  

好識嘆的jacky, 找到個陰影位休息休息

可愛kelly

希希同yoyo 好似樣啊

連好耐無見的hero, pooh & 細都出來走走, 不過我媽媽沒有影到pooh 仔 & 細細呀

呢到真係好舒服好正呀          

晚上大人們係叻叻家1010,我地小朋友係叻家洗埋白白之餘仲有好味的雞肉食添,謝謝叻叻家的邀請啊

 

★By 毛毛★