2008年10月25日 (星期六)
離開high tea之地見有時間又難得過埋海，就唔好浪費車錢啦，當然去多幾到時方先抵返嘛
就近萬聖節好多地方都有不同的裝飾
去到蘭桂坊先知有活動, 唔算好多人唔迫,可以慢慢影相, 始終我都係有d手震影得唔太好
小妹妹的粉臉畫了一隻蝴蝶好靚啊
見到好多啤酒樽好cute, but街上沒有太多人飲搞到我想飲但四周d氣氛又唔夠mood
索女呀 
係老蘭行咗一個鐘左右就改去皇后像廣場, 中途比個coach 外wall 吸引住, 真係乜都影得餐
第一次影夜景 
行到了立法局, 見到有2 pairs 人影結婚相, 原來好多人幫手先影到的, 仲有一兩個磨刀係到影緊, 我地就只係影下實物來試下影
晚上的中環站靜英英, 好少人行又一番景象
我地今日好free 沒有帶小朋友只係行下吹影下, 咁就過咗好開心的一天, 間中一日咁free 真係for自己relax 下都唔錯
2008年10月25日 (星期六)
下星期就係做伴娘的大日子了, 今日就先去教堂一齊彩排一下先, 呢間church 入到去的感覺好warm 好有家的感覺(雖然我沒有宗教信仰的) 成日覺得結婚行church 好浪漫, 可惜我唔係教友所以都唔可能有得行church 了 
彩排完就過海join 埋小花&大姐一齊去high tea 喇, 坐下吹下水hea下好舒服,因為我地坐outdoor 有微風吹住嘆茶成個闊太咁呀
好舒服的椅子 
精緻的荼點 
好高貴的茶具 
high 完仲有2枝hand cream 送返添
呢個就係我地坐咗2個鐘的鳥籠
無事做又去high 吓都唔錯呀
2008年10月24日 （星期五）
今晚終於試了尖沙咀的鼎泰豐食小籠包, 由於kelvin 媽咪生日所以去食飯慶祝下 辛苦了成個星期今日有得準時收工, 點知kelvin 走唔甩比老頂捉住搞到好遲先到, 我到了就行咗一陣, 而佢daddy mami 就一早去攞飛等位, 原來d 到要人齊先有得入坐而唔係半數就有得入, 結果要企門口等埋先入得去,好在我地一人齊就好快安排比我地入去, 都因為佢兩老好早去等的關係.gif)
.gif)
d 嘢食都好味,不過好細碟, 2人去就好易叫嘢食, 但價錢都係唔平, 我覺得比台灣貴, 款式都係得小籠飽, 湯麵,飽類為主
我地今日食咗: 蟹粉小籠飽, 擔擔麵,牛腩麵, 炒飯,醉雞,豬扒,豆沙小飽, 我地四個人大約食咗$440咁上下, 實際唔係食咗好多嘢咁, 屎啦, 我好大食添.gif)
等我比較一下香港店與台灣店的不同之處.gif)
環境: 裝修簡單舒服,又光猛, 但係感覺好嘈, 同台灣比: 台灣的地方大好多, 枱與枱之間不會太密,而且我好欣賞台灣有個放袋籃於枱邊的, 初時以為香港都有, 點知沒有,只見有d 客用一張椅來放袋, 但都有用小枱巾幫客人蓋住手袋.gif)
服務: 此店的服務員比香港其他食店好, 連廁所有員工先入去廁格看看是否乾淨才給下一個用, 而走時又會好有禮貌的多謝光臨.....成句送客出廁所門口! 當埋完單走人時, 沿途見到服務生都會禮貌say 再見, 好被專重的感覺! 同台灣比: 香港服務生不夠笑容,沒有美眉, 上次去台灣那裡的服務生大多數是美眉,而且面帶笑容, 望落是好真心服務大家的樣子! .gif)
總括來說, 的確比香港好多食店好禮貌及被受專重, 可惜等位等到人都傻 .gif)
.gif)
